Frank Botha

Jeremia 1:5  “Voordat Ek jou in die moederskoot gevorm het, het ek jou geken; en voordat jy uit die liggaam voortgekom het, het ek jou geheilig; Ek het jou tot ‘n profeet vir die nasies gemaak.”

Hierdie week is amper tot ‘n einde, die grootste deel daarvan is reeds verby.  Partykeer voel dit of niemand van jou bestaan weet nie.  Dit kan nogal dol gaan met telefone wat nooit ophou met lui nie; kliënte wat moeilik is en ‘n baas wat die onmoontlike verwag.  Onthou vandag dat God jóú ken, Hy is jou Skepper en Heiland.

2 September in die geskiedenis:

• 1778 is Louis Bonaparte (broer van Napoleon) gebore. Hy was koning van Holland in 1806.
• 1964 is Keanu Reeves gebore, en 1966 is Salma Hayek se geboortedag.
• 1969 verskyn die eerste OTM in New York.
• 1973 sterf J.R.R. Tolkien (skrywer The Lord Of The Rings), hy was gebore in Bloemfontein.
• 2001 sterf Dr Christiaan Barnard, hy het die eerste hart oorgeplant in 1967.

Psalm 30:11-12  “U het my weeklag vir my verander in ‘n koordans, U het my roukleed losgemaak en my met vreugde omgord;”

Dit is lente, en die winter is nou hopelik op ‘n einde.  Sjoe, ek het dit oorleef!  Die reuk van vars boeretroos hang in die lug; buite hoor ek die gekoer van tortelduifies wat sing van ‘n nuwe dag.  My voete is behoorlik aan die jeuk, ek wil dans van vreugde!  Dit is seker tyd om te begin “spring clean”, of hoe?

1 September in die geskiedenis:

• 1715 sterf Koning Louis XIV van Frankryk.
• 1822 Brazilië verkry vryheid van Portugal.
• 1875 word Edgar R. Burroughs gebore, hy was die skrywer van Tarzan.
• 1939 begin die 2de Wêreldoorlog: Duitsland val Poland binne.
• 1985 was die Titanic se wrak ontdek.