Frank Botha
Vreesloos. Trots. Afrikaans.
Dankie
Aug 5th
Deur Frank Botha
Dankie vir die interessante aanmerkings die afgelope 24 uur. Ek love diversiteit.
Geniet jy my inskrywings, òf nie? Enige klagtes/komplimente?
Venus vs Mars
Aug 5th
Nella stuur hierdie artikel:
Ons almal weet van die duidelike verskille tussen ‘n man en ‘n vrou, dit is immers sigbaar. Die biologiese verskille kan gemeet of aanskou word. In sommige mense se geval is dit nie duidelik wat hulle is nie, maar daardie is ‘n gesprek vir ‘n ander dag. Vrouens en mans verskil ook hemelsbreed as dit kom by ons reaksies, en maniere om dinge te doen. Ons redeneer net eenvoudig glad nie dieselfde nie.
‘n Man het hoofsaaklik ses items in sy badkamer; ‘n tandeborsel, tandepaste, skeerroom, skeermes, ‘n koekie seep en ‘n handdoek van die Holiday Inn. Die gemiddelde aantal items in die tipiese vrou se badkamer is 437. Meeste van hierdie items sal ‘n man nie kan identifiseer nie. Klink of jy in die badkamer sal kan verdwaal. Dit kan nogal pret wees as jy ‘n man se badkamer kan oorvat.
‘n Feit is dat ‘n man se brein gewoonlik 11 tot 12% groter is as ‘n vrou sin. Nee, dit beteken nie dat mans slimmer is nie. Dit het eerder te make met die feit dat ‘n man se liggaam groter is as ‘n vrou sin en dus moet daar meer neurons in die brein wees om die funksies van groter spiere te behartig.
Iets waarmee ek beslis saamstem is dat vrouens gouer volwassenheid bereik as mans. Dit is ‘n feit soos ‘n koei. ‘n Sewentienjarige meisiekind kan al as volwassene funksioneer, waar ‘n sewentienjarige outjie nog sy tjommies ‘n “wedgie” sal gee. Dit is die rede waarom skoolromanse selde hou of werk.
Mans is oppervlakkig, hulle bekyk hulle refleksie in ‘n spieël vir heeltemal te lank. Vrouens kyk na hulle refleksie enige moontlike plek, in spieëls, winkelvensters, iemand anders se sonbril, toasters, en absoluut enige iets anders wat blink.
Nella deel gratis PK's uit
Ongelukkig kan dit groot frustrasie veroorsaak as ons as verskillende mense, van verskillende geslagte, verwag dat ander persone presies soos ons moet redeneer. Die waarheid is dat ons net eenvoudig verskillend aanmekaar gesit is, ons verskil. Elke mens het die reg om dinge te doen op sy eie manier. Kom ons lewe in harmonie saam, perfekte simbiose. Leer geduld en verdraagsaamheid vir jou medemens. Aanvaar die mense om jou se reg om te verskil. Buitendien is dit mos nie so moeilik nie, of hoe?
Gigs
Aug 5th
Die langnaweek begin môre en heelwat rockers toer Noord na Oppikoppi. Ek was nog nóóít daar nie. Geniet ‘Koppi. Reis veilig. oppikoppi.co.za
DJ Ossewa is by die Ferreirasaal in Bothaville op 6 Augustus en by die Kuierfees in Leipoldtville op 7 Augustus. djossewa.co.za
Bok van Blerk rock Firkin Centurion vanaand. bokvanblerk.co.za
Bobby van Jaarsveld is vanaand by Hoërskool Pietersburg, môreaand by die AGS Simfoniekerk in Roodepoort en op 7 Augustus by die Kuierfees in Leipoldtville. bobbyvanjaarsveld.co.za
Wat doen jy hierdie langnaweek? Watter ander kunstenaars se gigs wil jy hier sien?
Armand Hofmeyr
Aug 5th
Yvonne Byers skryf:
Aartjie na sy vaartjie?
Musiekliefhebbers wonder al lank of Steve Hofmeyr se seun, Armand, by sy ikoniese pa sal kan kers vashou.
Die appel val toe sowaar nie ver van die boom nie! Sy langverwagte debuutalbum is pas uitgereik en hy het báie talent.
Hy het dieselfde rou klank in sy stem, maar dis nie so diep soos sy pa s’n nie. Plek-plek, soos in die liedjie Vergewe My, skemer sy jeugdigheid effens te veel deur, maar met die wonderlike Hart in Twee Wil Deel en die opruiende As Jy Wil bewys hy hy is ’n talentvolle sanger uit eie reg.
En ja, hy het al die liedjies self geskryf.
Resensie: Armand Hofmeyr, Foto’s en Briewe
Niks fout met Armand se debuutalbum nie maar dit sal gaaf wees indien hy in sy eie reg as sanger/liedjieskrywer kan groei. Ek was àl by een van sy konserte. Wat dink jy van Armand?
Frank Botha
Bosinsek
Aug 5th
Deur Frank Botha
Die vet weet
Hierdie disturbing tydskrifvoorblad kom vanoggend hieraan. Nella, die vet weet, ek het asprés verby KFC gery ná ek daai vrou se pikante lyfie aanskou het. Eisj.
Watter verslankingsproduk werk en watter werk nie? Hoeveel kilogram verloor ‘n mens tydens seks? Het jý àl moer baie gewig verloor en dit blitsvinnig wéér opgetel? Watter gewigsverlies tips kan jy met òns deel? Is daar ‘n kuur vir vet?
Veronderstel jy gaan op ‘n blind date en die girl se gat is groter as Kimberley s’n/die man se pens sleep op die grond, sal jy (1) omdraai en vinniger as Caster in die teenoorgestelde rigting hol, of (2) sal jy op die date gaan om vas te stel of dié persoon ‘n kick-ass persoonlikheid het?
Onthou, looks fade. En om met ‘n persoon met ‘n kak persoonlikheid opgeskeep te sit is, wel, kak. Hoe voel jy oor mans/vroue wat ‘n bietjie méér ass het? Òf verkies jy die Bosinsek-look? Ja, ek het ‘n bierpens. Maar ek wil teen Somer 2010 10kg verloor.
Persvryheid
Aug 5th
Deur Frank Botha
Persvryheid in Suid-Afrika: ANCYL steun mediatribunaal omdat ANC aangeval word
Jeremy Cronin
Nuus24 berig dat Jeremy Cronin, SAKP-hoofsekretaris en adjunk-minister van vervoer, die voorgestelde mediatribunaal steun. Die ANCYL is òòk ten gunste daarvan en eis dat díé tribunaal nóú al ingestel word omdat die ANC aangeval word.
Die jeugliga meen die mediatribunaal moet koerante soos City Press, Die Burger, Rapport en Beeld uit die Media24-stal, asook die Mail & Guardian, Sunday Times en “al” die Independent-groep se koerante ondersoek vir karaktermoord, verdeeldheid wat hulle in die regerende alliansie saai, vals berigte en omdat hulle die regering ondermyn. (Nuus24)
Onafhanklike mediatribunaal met tande nodig
Steun jy dié onafhanklike mediatribunaal? Òf steun jy ‘n vrye media?
Loading ...
AANMERKINGS